بوتون آذربایجان منطقه سی دولودور دوغال (طبیعی) گورملی و دولانمالی یئر لرینن ،آمٌابونا باخاراخ کی ایندی دوندوران آیی (بهمن ماه) باشلایئپ وآردئ جان دا بایرام آیی (اسفند ماه) گلماخ اوزرینده و اونوندا آردئندان آغلار گولر آی (فروردین) گلجاخ ؛ بو قرارا گلدیم کی هر کیمسه یی بو بلاگیم ده آذربایجانئن گوزل و دولانمالی یئرلرینن تانئش الییم.
آذربایجان دونیانئن أن گوزل یئرلریندن بیری دیر کی اورادا 4 فصیل وار, هر زامان ایستدیغینده هم یاغئش وار هم قار وار هم گؤل (دریاچه) وار,هم مشه وار هم داغ وار همده اورک لری یاندئران باغ وار,همده قره باغلار.
قره ، ترک ادبی دیلینده بویوک و یکه بیر شئه دییر،نیسه کچاخ مطلبین اصلی یئرینه.
دوندوران و بایرام آیی کی یانئشلئخ لا بهمن و اسفند آیی دییلیر أن گوزل آیلار دان بیری دیر کی آذربایجانا توریست گتیرسین؛گئشئن سازاخلارئندا آذربایجان ؟؟؟؟
دؤز بیلدینیز،آذربایجانئن ۳ دانا بویوک و گوزل ایسکی پیستی وار کی هر ایل چوخلی یئرلردن اورا ایسکی گتماخ ایچین گلرلر.
سهند پیستی :
بو بویوک پیست لرین آدلاری سهند و یام دیر(پیام) ،سهند پیستی تقریبا تبریز و بستان آباد پلیس راهئن دان ۱۰ کیلومتر بستان آبادا سارئ دیر کی ساغ طرف دن بیر باشکا فرعی یول آیرئلئر و اوردان دا ۲۷ یا ۲۸ کیلومتر ایچریلئخ گئدن ده یاواش یاواش پیست گورونور،بو داغدا هر هانکی واخت ایسته ساخ ائلیه بیلرئخ قار تاپاخ ، چون کی چوخ بویؤک و اوجا داغلاردان بیری دیر ایران و آذربایجان دا ، حتما بو پیسته گلین ، بیر دفعه گورؤشؤنه دئیر.
سهند داغی نئن باشئندا بیر گؤل وار ، بو گؤلوٌن آدی گوش گؤلوٌ دیر کی بئویی 3240 متر دیر،بو گؤل قارلارئن اریمسیندن سهندین باشئندا وجودا گلیپ.
گوش گؤلوٌنؤن رسیم لری گوش گؤلوٌ2
سهند پیستینده ایلین 7 آیئندا ایسکی گتماخ اولار،سهندین باش قله سینین بئویی 3764 متر دیر.
سهند پیستی بؤیوٌک ترین پیست لر دن دی کی 1385 دنیا ایسکی فدراسیون رئیسینین طرفین دن بین المللی اعلام اُلوندی، بورانیئن 2 دانا تله ایسکی سی وار کی هر زامان ایسکی ایسپورجی لارینا هیزمت وریر. بو ایل بو گوٌنه قدر ایرانیئن 3 دانا پیستینده قار وار کی اولین جی سهند و سونرا یام پیستی وسونرا تهرانئن توچال پیستی دیر. بیلدیقیمیزه گؤره شیمشک و دیزین پیستینده هئله لیک بیر خبر یوخدور .
یام پیستی :
یام (پیام) پیستی مرند دن تبریزه گلنده دیر ، مرند دن 2،3 کیلومتر تبریزه گلنده و 5،4 کیلومتر سیوان کوپرؤ سؤنه قالمئش ساغ طرف ده بیر فرعی یول آیرئلئر و اوردان دا 900،1200 متر گئدن دن سونرا یام پیستینین أتگینه یتیشیرئخ و اوردان دا تله ایسکی نن ائلیه بیلرئخ یوخاری طرفه گئداخ .
آلوارس پیستی :
بیر نئچه گونه جان سیزی آلوارس پیستی نن تانئش إدجاقام.
سیزه بو پیست لر ده أن إیلنجئلی زامان لار آرزولاییرام.
